Tuesday, July 14, 2009

Faamavaega

Aso Lulu, 15 Iulai 2009.

E ta le ono i le taeao ae ou ala ou te sauni mo le galuega.
O le aso ou te feiloa'i ai ma lo'u pule ma le pule sili ina ia ou faamavae lelei mai la'u galuega.
E ui ina ou fiafia tele i le galuega, o le faafitauli e ese le va'ava'a o le tama'ita'i lea o lo'o ta'ita'ia la matou matagaluega.
O le tele o aso, e usu mai lava o ia ma le faanoanoa po'o le ita foi.
E musu fo'i o ia e fesoasoani pe'a matou mana'omia lana fesoasoani i mea fai.
E ui i lea, sa ou taumafai pea e faalelei la matou mafutaga aua le manuia o le pisinisi ma le matou faatasiga.
Paga lea, fai mai le isi toeaina, "e te fiu lava e ave le solofanua i le vai...."
Ua uma fo'i ona faamavae le tasi tama'ita'i ona o le le fiafia i le pule, e ui lava ina ua atoa le fitu tausags o galue i inei.
Ia, o le tala lena.
Ae le valea fo'i nei fanau ona o le'a amata la'u galuega fou i le Iunivesite i le amataga o Aukuso.
"Ia, o le tala atu lena i lau pe'a" faimai ai le kamaikiki Falealupo...chooohooo!!!

No comments: